शेतकऱ्यांसाठी खास योजना : जुन्या विहिरीच्या दुरुस्तीसाठी मिळवा १ लाख रुपयांपर्यंत अनुदान
06-08-2025
शेतकऱ्यांसाठी खास योजना : जुन्या विहिरीच्या दुरुस्तीसाठी मिळवा १ लाख रुपयांपर्यंत अनुदान
शेतकऱ्यांसाठी सरकारने आणखी एक उपयुक्त योजना राबवली आहे. बिरसा मुंडा कृषी क्रांती योजना ही विशेषतः अनुसूचित जमातीतील शेतकऱ्यांसाठी लागू करण्यात आलेली असून, यामध्ये जुन्या विहिरीच्या दुरुस्तीसाठी १ लाख रुपये पर्यंतचे अनुदान मिळू शकते.
योजनेचा मुख्य हेतू
या योजनेचा उद्देश म्हणजे लहान व मध्यम आकाराच्या शेतकऱ्यांना सिंचनासाठी आवश्यक सुविधा पुरवणे. जे शेतकरी 0.40 ते 6 हेक्टरपर्यंत शेती करत आहेत आणि त्यांच्या नावावर जुनी विहीर आहे, त्यांना ही योजना मदतीचा हात देते.
कोण पात्र आहे?
ही योजना फक्त अनुसूचित जमातीच्या शेतकऱ्यांसाठी आहे. खालील अटी पूर्ण करणारे शेतकरी अर्ज करू शकतात:
- अर्जदार अनुसूचित जमातीचा असावा
- ०.४० हेक्टर ते ६.०० हेक्टरपर्यंत शेती असावी
- विहीर ७/१२ उताऱ्यावर नोंदलेली असावी
- आधार कार्ड आणि आधार संलग्न बँक खाते असणे आवश्यक
- वार्षिक उत्पन्न १.५ लाख रुपयांपेक्षा कमी असावे
- जात प्रमाणपत्र, उत्पन्नाचा दाखला आणि शेतकरी ओळख प्रमाणपत्र आवश्यक
अर्जासाठी आवश्यक कागदपत्रे
- आधारकार्ड
- बँक पासबुक
- ७/१२ आणि ८अ उतारे
- जात प्रमाणपत्र
- उत्पन्नाचा दाखला (BPL असल्यास प्राधान्य)
- विहिरीचा फोटो (काम सुरू करण्यापूर्वी)
- GPS लोकेशन
- बंधपत्र (१०० किंवा ५०० रुपयांचा स्टॅम्प पेपर)
- गट विकास अधिकाऱ्यांची शिफारस
- जर इनवेल बोअरिंग करायचे असेल, तर भूजल विभागाचा feasibility report
अनुदान फक्त विहीर दुरुस्तीसाठीच?
नाही. ही योजना विहीर दुरुस्तीसह इतर सिंचन संबंधित कामांसाठीही लागू होते:
- इनवेल बोअरिंग
- पाइपलाइन टाकणे
- पंप बसवणे
- ठिबक सिंचन
- तुषार सिंचन
योजनेचे नियम
- ७/१२ वर विहिरीची नोंद असावी
- पूर्वी अनुदान घेतले असल्यास ५ वर्षांनंतरच या योजनेचा लाभ मिळेल
- अंदाजपत्रक कृषी अधिकाऱ्यांकडून मंजूर करून घ्यावे लागते
- कामानंतरचे फोटो, मोजमाप आणि मूल्यांकन आवश्यक
- कामाचा अतिरिक्त खर्च शेतकऱ्यालाच करावा लागतो
- काम वेळेत पूर्ण करण्यासाठी बंधपत्र आवश्यक असते
- प्राधान्य नियम: ‘पहिले अर्ज, पहिला लाभ’
अर्ज प्रक्रिया
या योजनेसाठी अर्ज करण्यासाठी खालील स्टेप्स फॉलो करा:
- https://mahadbt.maharashtra.gov.in या संकेतस्थळावर जा
- 'Farmer Login' वर क्लिक करा आणि आधार क्रमांकाने लॉगिन करा
- बिरसा मुंडा कृषी क्रांती योजना निवडा
- सर्व माहिती भरा आणि आवश्यक कागदपत्रे अपलोड करा
- अर्ज सबमिट करा
महत्वाचे प्रश्न व उत्तरे (FAQ)
प्रश्न: ही योजना फक्त विहीर दुरुस्तीसाठीच आहे का?
उत्तर: नाही, यामध्ये इनवेल बोअरिंग, पंप, पाइपलाइन, ठिबक व तुषार सिंचनासाठीही अनुदान दिले जाते.
प्रश्न: अनुदान कधी मिळते?
उत्तर: काम पूर्ण झाल्यानंतर, तपासणी करून अनुदान थेट बँक खात्यात जमा केले जाते.
प्रश्न: उत्पन्नाची मर्यादा किती आहे?
उत्तर: अर्जदाराचे वार्षिक उत्पन्न १.५० लाख रुपयांपेक्षा जास्त नसावे.
प्रश्न: मी इतर सिंचन योजनेचा लाभ घेतला आहे. तरी अर्ज करू शकतो का?
उत्तर: जर तुम्ही त्या कामासाठी याआधी कोणतेही अनुदान घेतले नसेल, तर अर्ज करू शकता.
राज्यातील अनुसूचित जमातीतील शेतकऱ्यांसाठी बिरसा मुंडा कृषी क्रांती योजना खूप उपयुक्त आहे. जुनी विहीर दुरुस्त करून पाण्याची योग्य सोय केल्यास उत्पादन वाढते आणि आर्थिक स्थैर्य मिळते.
जर तुम्ही पात्र असाल, तर तुरंत अर्ज करा आणि या उपयुक्त योजनेंचा लाभ घ्या.
