दर वर्षी नवीन बियाणं गरजेचं आहे का? अनेक शेतकरी इथेच चुकतात..!

कृषी क्षेत्रात यशस्वी उत्पादनासाठी दर्जेदार बियाणे निवडणे अत्यंत आवश्यक आहे. चुकीची बियाणं वापरल्यास उत्पादनावर परिणाम होतो. त्यामुळे पेरणीपूर्वी "बियाण्याची उगवण क्षमता" तपासणं खूप महत्त्वाचं असतं. चला तर मग, घरच्या घरी अगदी सोप्या पद्धतीने उगवण चाचणी कशी करावी हे जाणून घेऊया.

बियाण्यांची उगवण चाचणी कशी कराल?

1: भिजवणे:

एका स्वच्छ भांड्यात पाणी घ्या. त्यामध्ये तपासायची बियाणं 6 ते 8 तास भिजत ठेवा.

2: मोकळं ठेवणे:

भिजवलेली बियाणं एका ओलसर टिश्यू पेपर किंवा स्वच्छ कपड्यावर पसरवा.

3: झाकणे:

वरून दुसऱ्या ओलसर कपड्याने झाका, जेणेकरून बियाण्यांना आर्द्रता मिळत राहील.

4: देखभाल:

दररोज थोडंसं पाणी शिंपडून कपडा ओलसर ठेवा. 3 ते 5 दिवसांत बियाण्यांमध्ये उगवण सुरू होते का ते पाहा.

उगवण क्षमतेचे गणित:

उगवण चाचणीसाठी आपण 100 बियाणं वापरल्यास, त्यातली किती उगवली हे मोजा.
उदाहरण: जर 100 पैकी 80 बियाणं उगवली, तर त्याची उगवणक्षमता 80% आहे.

80% किंवा त्यापेक्षा जास्त उगवणक्षमता असलेली बियाणं पेरणीसाठी योग्य मानली जातात.

बियाण्याची गुणवत्ता तपासा, यशस्वी पिकासाठी पहिला पाऊल उचला!

शेतकऱ्यांनो, घरच्या घरी उगवण चाचणी करून बियाण्याच्या गुणवत्तेची खात्री करा. ही सोपी आणि विश्वासार्ह पद्धत आहे जी पेरणीपूर्वी खूप उपयोगी ठरते.

हे पण पहा: कांदा खरेदी कधी होणार सुरू? शेतकऱ्यांसाठी महत्त्वाची अपडेट…!