डिजिटल सातबारा नोंदणीची अंतिम संधी! शेतकऱ्यांना या तारखेपर्यंत मुदत...

राज्य शासनाच्या भूमी अभिलेख विभागाने केंद्र सरकारच्या निर्देशांनुसार आता खरीप हंगामातील पीक पाहणी पूर्णपणे डिजिटल पद्धतीने करण्याचा निर्णय घेतला आहे. ‘डिजिटल क्रॉप सर्वे’ अॅपद्वारे शेतकरी स्वतः सातबारा उताऱ्यावर आपल्या शेतातील पिकांची नोंदणी करू शकतील.

नोंदणी कालावधी:

१ ऑगस्ट ते १४ सप्टेंबर २०२५ दरम्यान शेतकऱ्यांनी अॅपद्वारे पीक पाहणी करणे बंधनकारक आहे.

हे पण पहा: पाऊस थांबणार की वाढणार? मराठवाड्यासाठी हवामान खात्याचा ताजा अलर्ट..

पिकांचा फोटो कसा घ्यावा?

नोंदणी करताना अॅपद्वारे शेतीच्या गट क्रमांकापासून ५० मीटरच्या आत पिकांचा स्पष्ट फोटो घेणे आवश्यक आहे. यामुळे शासनाला पीक स्थितीबाबत अचूक माहिती मिळणार आहे.

प्रत्येक गावात मिळणार मदतीसाठी सहायक:

शेतकऱ्यांना नोंदणी करताना अडचण होऊ नये म्हणून प्रत्येक गावासाठी एका सहाय्यकाची नेमणूक करण्यात आली आहे. शेतकरी नोंदणी पूर्ण झाल्यानंतर हे सहायक उर्वरित शेतजमिनीवरील पिकांची पाहणी करतील.

अॅप अपडेट करा – नवीन व्हर्जन 4.0.0:

'डिजिटल क्रॉप सर्वे' अॅपचे नवीन व्हर्जन 4.0.0 आता गुगल प्ले स्टोअरवर उपलब्ध असून, सर्व शेतकऱ्यांनी अॅप त्वरित अपडेट करणे गरजेचे आहे.

पाहणी कालावधीचे तपशील:

• शेतकरी स्तरावरील पीक नोंदणी: १ ऑगस्ट ते १४ सप्टेंबर

• सहायक स्तरावरील पीक पाहणी: १५ सप्टेंबर ते २९ ऑक्टोबर

शेतकऱ्यांसाठी महत्त्वाचा सल्ला:

शासनाने यावेळी स्पष्टपणे सांगितले आहे की शेतकऱ्यांनी सहायकांवर पूर्णपणे अवलंबून राहू नये. शक्य तितकी नोंदणी स्वतःच करावी. त्यामुळे तुमचे पीक योग्य प्रकारे शासन दरबारी नोंदले जाईल आणि भविष्यातील योजना, विमा व अनुदानांसाठी ते फायदेशीर ठरेल.

ई-पीक पाहणी ही तुमच्या हक्कांची आणि संरक्षणाची पहिली पायरी आहे. मोबाईलवरून काही मिनिटांत नोंदणी करून शेतमालाला आणि शेतकऱ्याच्या भविष्यासाठी मजबूत आधार द्या.