शेतकऱ्यांसाठी सरकारचा अलर्ट! आता 'फार्मर आयडी' असणं अनिवार्य…

राज्यातील कृषी क्षेत्र अधिक पारदर्शक व डिजिटल बनवण्यासाठी महाराष्ट्र शासनाने AgriStack योजना सुरू केली आहे. या योजनेचा मुख्य उद्देश म्हणजे शेतकऱ्यांचा सर्व माहिती संच एकत्र करून शेतकरी ओळख क्रमांक (Farmer ID) तयार करणे आणि त्याच्या आधारे शासनाच्या विविध योजनांचा जलद लाभ देणे.

काय आहे AgriStack योजनेत नवीन?

या योजनेंतर्गत तयार होणारे तीन मुख्य माहिती संच:

• Farmer Registry – शेतकरी व त्याच्या जमिनीची आधार संलग्न माहिती
• Crop Zoning Registry – हंगामी पिकांची माहिती
• Geo Referenced Land Parcel – जमिनीचा भूसंदर्भिकृत नकाशा

शेतकरी ओळख क्रमांक (Farmer ID) का आवश्यक?

राज्य शासनाच्या निर्णयानुसार १५ एप्रिल २०२५ पासून शेतकरी ओळख क्रमांक (Farmer ID) अनिवार्य करण्यात आला आहे. कोणत्याही कृषी योजनेचा लाभ घेण्यासाठी हा क्रमांक असणे अत्यावश्यक आहे.

नोंदणी कशी करावी?

नोंदणीसाठी शेतकऱ्यांनी त्यांचा आधार, ७/१२ उतारा, पीकपेरा आणि इतर आवश्यक माहिती संबंधित पोर्टलवर सादर करावी. हे पोर्टल ग्राम कृषी समिती, CSC केंद्र आणि कृषी विभागाच्या सहाय्याने सहज उपलब्ध आहे.

शासनाची कार्यवाही आणि सूचना:

• कृषी विभागाने सर्व ऑनलाईन पोर्टलमध्ये API द्वारे AgriStack प्रणालीशी जोडणी करावी.
• अद्याप नोंदणी न केलेल्या शेतकऱ्यांना तातडीने प्रवृत्त करावे.
• प्रचार, प्रसिद्धी आणि जनजागृतीसाठी विशेष मोहीम राबवावी.