Fertilizer Prices: रासायनिक खतांच्या किमतीत पुन्हा वाढ

सध्या रब्बी पेरणीचा हंगाम सुरू असल्यामुळे बाजारात खतांची मागणी वाढली आहे. परंतु शेतकऱ्यांना मात्र आरसीएफच्या २०:२०:० सह क्रॉपटेक नावाने विकल्या जाणाऱ्या विविध ग्रेडच्या खतांच्या किमतीत प्रति पोते १०० ते २०० रुपयांनी वाढ झाल्याने आर्थिक भार वाढला आहे.

नांदेड जिल्ह्यासह राज्यातील अनेक भागांमध्ये खरिपातील पिके अतिवृष्टी आणि पुरामुळे नष्ट झाली. त्यामुळे शेतकरी रब्बी हंगामातील हरभरा, रब्बी ज्वारी, गहू, करडई या पिकांच्या लागवडीची तयारी करत आहेत. या पिकांसाठी डीएपी, २०:२०:०, १२:३२:१६, १०:२६:२६, २४:२४:०, १५:१५:१५ या खतांचा वापर मोठ्या प्रमाणात होतो.

💰 सध्याचे खत दर:

• आरसीएफ व महाधन २०:२०:० → ₹१५०० (पूर्वी ₹१४००)

• इतर कंपनीचे २०:२०:० → ₹१४००

• १०:२६:२६ → ₹१८५०

• क्रॉपटेक १०:२६:२६ → ₹१९००

• क्रॉपटेक ९:२४:२४ → ₹२१०० (पूर्वी ₹१९००)

• ८:२१:२१ → ₹१९७५ (पूर्वी ₹१८००)

• ११:२०:१० → ₹१९७५ (पूर्वी ₹१८००)

• २४:२४:० → ₹१९०० (पूर्वी ₹१८५०)

• १५:१५:१५ → ₹१६५०

• १२:३२:१६ → ₹१८५०

⚠️ अधिक दराने विक्रीची तक्रार:

शेतकऱ्यांकडून युरिया आणि डीएपी खतांचे अधिक दराने विक्री होत असल्याची तक्रार आहे.

• युरिया (५० किलो) → ₹३०० ते ₹३५० (अधिकृत दर ₹२६६)

• डीएपी → ₹१४०० ते ₹१५००

काही ठिकाणी विक्रेत्यांकडून या खतांसोबत इतर खत जबरदस्तीने दिले जात असल्याचे शेतकऱ्यांनी सांगितले आहे. कृषी विभागाने या वाढीव दरांच्या विक्रीवर लक्ष ठेवणे आवश्यक असल्याची मागणी होत आहे.

रब्बी हंगामातील खत दरवाढीमुळे उत्पादन खर्च वाढणार असून, शेतकऱ्यांच्या खिशावर अतिरिक्त ताण येणार आहे. सरकार आणि कृषी विभागाने या दरवाढीवर नियंत्रण ठेवून शेतकऱ्यांना दिलासा देण्याची गरज आहे.