Solar Pump Scheme: अठरा हजारांवर शेतकऱ्यांना सौरकृषिपंपाची प्रतीक्षा

‘मागेल त्याला सौर कृषिपंप’ योजनेअंतर्गत परभणी जिल्ह्यात सौर कृषिपंपांची स्थापना अत्यंत संथ गतीने सुरू असून हजारो शेतकरी गेल्या वर्षभरापासून प्रतिक्षेत आहेत. अनामत रक्कम (पेमेंट) भरून वर्ष उलटूनही १८,७१३ शेतकऱ्यांचे सौर कृषिपंप अद्याप कार्यान्वित झालेले नाहीत, त्यामुळे रब्बी हंगामातील सिंचनाचे मोठे संकट निर्माण झाले आहे.

रकमेचा भरणा – परंतु पंपाची प्रतीक्षा कायम

योजनेनुसार अनुसूचित जाती-जमाती वर्गातील शेतकऱ्यांना ५% आणि इतर शेतकऱ्यांना १०% अनामत रक्कम भरल्यानंतर सौरकृषिपंप देण्यात येतात. परभणी जिल्ह्यातील परभणी ग्रामीण, परभणी शहर, जिंतूर, सेलू, मानवत, पाथरी, सोनपेठ, गंगाखेड, पालम, पूर्णा उपविभागातून ३२,५७१ शेतकऱ्यांनी ३ HP, ५ HP, ७.५ HP क्षमतेच्या पंपासाठी पेमेंट केले आहे.

यापैकी सोमवारी (१० तारीख)पर्यंत २७,८७५ अर्जांची पडताळणी झाली असून २५,६५९ अर्ज मंजूर, तर १,३४५ अर्ज होल्डवर ठेवण्यात आले आहेत. अजून ४,६९६ अर्ज पडताळणीसाठी प्रलंबित आहेत.

सर्व्हे पूर्ण, पण कामे शिल्लकच

एकूण २३,३५४ शेतकऱ्यांनी पुरवठादार कंपनीची निवड केली आहे.
लाइनमन स्तरावर २२,१०८ सर्व्हे पूर्ण, तर १,२४६ सर्व्हे अद्याप बाकी आहेत.
सर्कल स्तरावरून २१,१९४ अर्ज मंजूर झाले; पण प्रत्यक्षात १३,८५८ सौरकृषिपंपच बसवले गेले आहेत.

भारनियमन व सिंचनातील अडचणी

राज्यातील अनेक भागांत भारनियमन, कमी दाबाचा वीजपुरवठा आणि अस्थिर लाईनमुळे पारंपरिक डीपी वीजवर चालणारे कृषिपंप वारंवार बंद पडतात. त्यामुळे पिकांचे सिंचन थांबत असून नुकसान वाढते. या समस्येचा कायमस्वरूपी उपाय म्हणून केंद्र आणि राज्य सरकारने

• कुसुम योजना
• मागेल त्याला सौर कृषिपंप योजना
  सुरू केली; मात्र प्रत्यक्ष स्थापनेचा वेग अत्यंत कमी असल्याने शेतकऱ्यांचे हाल सुरूच आहेत.

परभणी जिल्हा – सौर कृषिपंप स्थापना स्थिती (तालुका निहाय)

ही आकडेवारी पाहता परभणी जिल्ह्यातील शेतकऱ्यांची प्रतीक्षा किती मोठी आहे हे स्पष्ट होते. योजनेच्या गतीत वाढ व्हावी, सर्व्हे ते स्थापना प्रक्रिया जलद व्हावी, अशी शेतकऱ्यांची अपेक्षा आहे.