ajcha havaman andaj : विदर्भ, मराठवाडा आणि मध्य महाराष्ट्रात विजांसह पावसाची शक्यता

राज्यात पुन्हा एकदा पावसाला पोषक वातावरण निर्माण झाले आहे. पुढील दोन ते तीन दिवसांमध्ये राज्यातील काही भागात हलक्या ते मध्यम स्वरूपाच्या सरींसह विजांचा कडकडाट होण्याची शक्यता हवामान विभागाने वर्तवली आहे.

कोणत्या भागात पावसाचा अंदाज?

• विदर्भात – चंद्रपूर, गडचिरोली, गोंदिया, नागपूर, वर्धा आणि यवतमाळ जिल्ह्यांमध्ये विजांसह पावसाची शक्यता आहे.
• मराठवाड्यात – अहिल्यानगर (औरंगाबाद), सोलापूर, परभणी, बीड, हिंगोली, नांदेड, लातूर आणि धाराशिव येथे मेघगर्जनेसह हलक्या ते मध्यम स्वरूपाचा पाऊस पडू शकतो.
• मध्य महाराष्ट्रात – काही ठिकाणी अधूनमधून सरींचा अंदाज वर्तवला गेला आहे.

पावसाचा जोर कमी, उकाडा वाढला

गेल्या काही दिवसांपासून राज्यात पावसाचा जोर कमी झाला असून, फक्त अधूनमधून हलक्या सरींची नोंद होत आहे. मुसळधार पावसाची शक्यता नसली तरी पावसाने घेतलेल्या उघडीपेमुळे पुन्हा एकदा उकाड्याची लाट जाणवत आहे. अनेक भागात तापमानाचा पारा ३२ अंश सेल्सिअसच्या वर गेला असून, काही शहरांत त्याहून जास्त तापमान नोंदले गेले आहे.

तापमानाची स्थिती

• अमरावती – ३४.२ अंश सेल्सिअस
• अकोला – ३३.८ अंश सेल्सिअस
• नागपूर – ३३.४ अंश सेल्सिअस
• चंद्रपूर – ३३ अंश सेल्सिअस
• वर्धा – ३३ अंश सेल्सिअस

मोसमी वाऱ्यांचा प्रवास थांबलेला

नैऋत्य मोसमी वाऱ्यांचा परतीचा प्रवास १४ सप्टेंबरपासून राजस्थानमधून सुरू झाला होता. त्यानंतर काही भागातून वारे माघारी फिरले, मात्र मागील सात दिवसांपासून मोसमी वाऱ्यांचा प्रवास जैसे थे असून, त्यात फारसा वेग नाही.