PM Kisan :पीएम किसानचा हप्ता जमा झाला कि नाही? या सोप्या पद्धतीने तपासा

अखेर शेतकऱ्यांसाठी दिवाळी गोड झाली. शेतकऱ्यांच्या खात्यात नोव्हेंबर महिन्याच्या मध्यातच पंतप्रधान किसान सन्मान निधीचा हप्ता जमा झाला. परंतु, बऱ्याचशा शेतकऱ्यांना हे अजूनही माहित नाही. आपल्या खात्यात रक्कम जमा झाली की नाही हे तपासण्यासाठी, हि सोपी पद्धत वापर व माहिती करून घ्या. 

देशातील 8 कोटीपेक्षा अधिक शेतकऱ्यांच्या खात्यात पीएम किसानचा हफ्ता आला आहे. नोव्हेंबरच्या शेवटी प्रधानमंत्री किसान सन्मान निधीचा हप्ता जमा होणार होता. परंतु, केंद्र सरकारने दिवाळीचा मुहूर्त साधला आणि शेतकऱ्यांच्या खात्यात पीएम किसनाचा हफ्ता जमा केला. पंतप्रधान नरेंद्र मोदी झारखंड दौऱ्यावर असताना 15 नोव्हेंबरला मंजूरी दिली. हा हप्ता लाभार्थ्यांच्या खात्यात जमा झाला. पीएम किसान योजनेअंतर्गत देशातील 8 कोटीपेक्षा अधिक शेतकऱ्यांच्या खात्यात वार्षिक 6,000 रुपयांची आर्थिक मदत देण्यात येते.

तीन हप्त्यांत मिळते आर्थिक मदत

पूर्वीही केंद्र सरकारने 27 जुलैला 14 वा हप्ता शेतकऱ्यांच्या खात्यात जमा केला. त्यापूर्वी फेब्रुवारी 2023 मध्ये 13 वा हप्ता जमा केला गेला होता. तर ऑक्टोबर 2022 मध्ये 12 वा हप्ता जमा केला होता. म्हणजे प्रत्येक हप्त्यात जवळपास पाच महिन्यांचे अंतर असल्याचे दिसते. या योजनेतर्गत शेतकऱ्यांना प्रत्येकी 2000 रुपयांपर्यंतची एकूण 6 हजार रुपये जमा करण्यात येतात. यापूर्वी DBT माध्यमातून रक्कम शेतकऱ्यांच्या खात्यात जमा झाली.

लाभार्थ्यांचे नाव कसे तपासायचे?

• पीएम किसान योजनेसाठी यादीमध्ये नाव आले कि नाही ते तपासा 
• त्यासाठी, pmkisan.gov.in वेबसाइटवर लॉग इन करा. 
• त्यात लाभार्थ्यांची यादी दिसेल. त्यावर क्लिक करा. 
• आपले राज्य, जिल्हा, तालुका आणि गावाचे नाव, आपले नावाचे तपशील द्या. नंतर यादीसमोर जा, त्यात आपले नाव शोधा. 
• यादीत तुमचे नाव असेल तर हप्ता तुमच्या खात्यात जमा होईल.

15 व्या हप्त्याची स्थिती तपासा

पीएम-किसानच्या संकेतस्थळावर याविषयीची माहिती देण्यात आली आहे. त्यानुसार या योजनेचा लाभ मिळवण्यासाठी ई-केवायसी करणे अनिवार्य आहे. पीएम-किसान पोर्टलवर मोबाईल क्रमांक आणि ओटीपीच्या मदतीने लगेचच ई-केवायसी करता येते. आपण आपल्या शेजारील CSC केंद्रावर बायोमॅट्रिक आधारीत ई-केवायसी करु शकतात.

• सर्वात अगोदर पीएम-किसान पोर्टल 'https://pmkisan.gov.in' वर जा.
• या ठिकाणी 'फार्मर कॉर्नर' वर जाऊन 'बेनिफिशिअरी स्टेटस' वर क्लिक करा.
• या ठिकाणी आधार क्रमांक, खाते क्रमांक वा मोबाईल क्रमांक टाका. 
• आता खालील कॅप्चा कोड टाकून पुढील प्रक्रिया पूर्ण करा. त्यानंतर 'गेट स्टेटस' क्लिक करा.
• ही प्रक्रिया पूर्ण झाल्यानंतर पीएम-किसान खात्यात रक्कम जमा झाली की नाही हे कळेल.