कोकण व मध्य महाराष्ट्रात पावसाची हजेरी: खरीप पेरण्या सुरू…

कोकण व मध्य महाराष्ट्रातील अर्ध्या भागात मॉन्सून व्यापल्यावर अनेक ठिकाणी जोरदार पाऊस झाला आहे. काही ठिकाणी अतिवृष्टीसदृश पाऊस झाला. तर कुडाळमध्ये सर्वाधिक १९७.३ मिलिमीटर पाऊस पडल्याची नोंद करण्यात आली. या पावसामुळे कोकणातील  भात रोपवाटिका, व  मध्य महाराष्ट्रातील खरीप पेरण्यांना सुरुवात करण्यासाठी शेतकऱ्यांची लगबग सुरू झाली आहे.
या गेल्या तीन ते चार दिवसांपासून कोकण व महाराष्ट्रात पाऊस पडत आहे. कोकणातील रायगड, रत्नागिरी, सिंधुदुर्ग जिल्ह्यांत पावसाचा जोर अधिक आहे. अनेक ठिकाणी शंभर मिलिमीटरहून अधिक पाऊस पडला. तर आंबोली येथे १७६.५, मसुरे १६९.३, सावंतवाडी १६४.८, बांदा १६४.८ सर्वाधिक पाऊस पडला. तर ठाणे, पालघर जिल्ह्यांत पावसाचा जोर काहीसा कमी होता. परंतु झालेल्या पावसामुळे खरीप कामांना वेगात सुरुवात झाली आहे.

मध्य महाराष्ट्रातील पुणे, सातारा, नगर, सांगली, कोल्हापूर जिल्ह्यांत पावसाचा जोर अधिक होता. शनिवारी (दि.८) सायंकाळी पाचच्या सुमारास मुसळधार पावसाने अक्षरशः झोडपून काढले. या सर्व जिल्ह्यात सर्वदूर वादळीवारे आणि विजांच्या कडकडाटासह जोरदार पाऊस झाला. बारामती, सणसर आणि पुणे शहरांत अक्षरशः ढगफुटीसदृश पाऊस झाला. नाशिक जिल्ह्यांत पावसाचा जोर कमी होता. तर खानदेशातील अनेक भागात पावसाची अजूनही प्रतीक्षा चालू आहे.
मराठवाड्यातील बीड, लातूर, धाराशीव, नांदेड, परभणी, हिंगोली जिल्ह्यांत पावसाच्या हलक्या सरी पडल्या. अनेक ठिकाणी पावसाने उघडीप दिली असून, ढगाळ वातावरणाची स्थिती कायम होती. मात्र, मागील दोन दिवसांपूर्वी झालेल्या पावसामुळे शेतकऱ्यांनी खरिपाची तयारी सुरू केली आहे.

अनेक ठिकाणी शेतकऱ्यांनी कापूस, सोयाबीन, मूग, उडीद या पिकांच्या पेरणीसाठी बियाणे, खतांची खरेदी केली आहे. विदर्भातील यवतमाळ, नागपूर, भंडारा या जिल्ह्यांत पावसाच्या तुरळक सरी पडल्या असून, अनेक ठिकाणी पावसाची अजूनही प्रतीक्षा लागून आहे. काही ठिकाणी ऊन पडल्याची स्थिती देखील होती.

मध्य महाराष्ट्र :