पंजाब डख यांचा शेतकऱ्यांना तातडीचा अंदाज, या जिल्ह्यांमध्ये मुसळधार पावसाची शक्यता…

महाराष्ट्रातील शेतकरी वर्गासाठी अत्यंत महत्त्वाचा हवामान अंदाज पंजाबराव डख यांनी नुकताच प्रसिद्ध केला आहे. १२ जूनपासून राज्यभरात पावसाचा जोर वाढणार असल्याची स्पष्ट माहिती त्यांनी दिली आहे, जी खरीप हंगामाच्या तयारीसाठी फार उपयोगी ठरणार आहे.

कोणत्या जिल्ह्यांत पावसाची शक्यता?

पंजाबराव डख यांच्या अंदाजानुसार, लातूर, बीड, परभणी, नांदेड, सोलापूर, सातारा, कोल्हापूर, सांगली, जालना, नाशिक आणि छत्रपती संभाजीनगर या जिल्ह्यांमध्ये मुसळधार पावसाची शक्यता आहे.
या पावसामुळे कोरड्या हवामानात बदल होऊन शेतकऱ्यांसाठी खरीप पेरणीचा मार्ग मोकळा होईल.

१२ ते १५ जून : महाराष्ट्रासाठी निर्णायक चार दिवस:

या कालावधीत दक्षिण महाराष्ट्र, कोकण, पश्चिम महाराष्ट्र आणि मराठवाडा या भागांमध्ये जोरदार पावसाचा अंदाज आहे. पावसाची ही सुरुवात केवळ या भागांपुरती मर्यादित राहणार नाही, तर विदर्भातही पावसाचे आगमन होणार आहे.

विदर्भातील बुलढाणा, अमरावती, वाशिम, यवतमाळ, हिंगोली, नंदुरबार, जळगाव आणि धुळे या जिल्ह्यांमध्येही पावसाची शक्यता वर्तवण्यात आली आहे.

१५ ते २० जून : विदर्भात अतिवृष्टीचा इशारा:

डख यांच्या पुढील अंदाजानुसार, १५ ते २० जून या दरम्यान पूर्व आणि पश्चिम विदर्भात अतिवृष्टी होण्याची शक्यता आहे. काही भागांत नद्या-ओढे वाहण्याची शक्यता असून, पूरसदृश परिस्थितीही उद्भवू शकते.

शेतकऱ्यांना त्यांनी विशेष सूचना दिली आहे – वादळी वाऱ्याच्या पार्श्वभूमीवर झाडाखाली जनावरे बांधू नयेत, कारण वाऱ्यामुळे झाडे कोसळण्याचा धोका असतो.

शेतकऱ्यांसाठी निर्णय घेण्याची योग्य वेळ:

१२ जूनपासून सुरू होणारा हा पाऊस खरीप पेरणीसाठी अत्यंत निर्णायक ठरणार आहे. योग्य हवामान लक्षात घेऊन शेतीची नियोजनपूर्व तयारी करणे ही यशस्वी शेतीची गुरुकिल्ली ठरणार आहे.

हे पण पहा: शेतकऱ्यांच्या नुकसान भरपाईचा मार्ग झाला मोकळा, पीकविमा योजनेचा शेवटचा हप्ता लवकरच..