शेतकरी ओळखपत्र (Farmer ID) – मोबाईलवरून घरबसल्या तयार करा!

देशात आणि राज्यात केंद्र व राज्य सरकारच्या कृषी विभागामार्फत विविध योजनांची अंमलबजावणी केली जाते. या योजना प्रत्यक्ष शेती करणाऱ्या शेतकऱ्यांपर्यंत पोहोचाव्यात, यासाठी १५ एप्रिल २०२५ पासून सरकारने शेतकरी ओळख क्रमांक (Farmer ID) अनिवार्य केला आहे. आता फक्त ज्या शेतकऱ्यांकडे हा आयडी असेल, त्यांनाच योजनांचा लाभ मिळू शकेल.

शेती यंत्रसामग्री आणि अ‍ॅग्रिस्टॅक योजना

अ‍ॅग्रिस्टॅक योजनेअंतर्गत, राज्यातील कृषी विभाग सर्व शेतकऱ्यांची माहिती संकलित करत आहे. यामध्ये आधार क्रमांकासोबत शेतीची माहिती जोडली जात आहे. पिकांचे तपशील, भू-समंधीत माहिती आणि इतर आवश्यक माहिती संकलित केली जात आहे.

संपूर्ण माहिती एका पोर्टलवर एकत्र करून आधार क्रमांकाशी लिंक केली जाते आणि त्याआधारे शेतकऱ्यांना Farmer ID दिला जातो.

पूर्वी महाराष्ट्रात हा आयडी फक्त CSC केंद्रांवरूनच मिळत होता, परंतु आता शेतकऱ्यांना घरबसल्या मोबाईलद्वारे हा आयडी मिळवण्याची सुविधा देण्यात आली आहे.

मोबाईलवरून घरबसल्या फार्मर आयडी मिळवण्याची प्रक्रिया

ही सुरुवात महाराष्ट्रातील शेतकऱ्यांसाठी अत्यंत उपयुक्त आहे. कारण अनेक इतर राज्यांमध्ये ही सोय आधीपासून कार्यरत आहे. महाराष्ट्रात मात्र ही सुविधा CSC केंद्रापुरती मर्यादित ठेवण्यात आली होती, ज्यामुळे अनेक शेतकऱ्यांची फसवणूक होत होती.

सध्या ८० ते ८५ टक्के शेतकऱ्यांचे कार्ड तयार झाले असून आता सरकारने त्यांना ऑनलाइन सुविधा उपलब्ध करून दिली आहे. मात्र, राज्यातील भ्रष्टाचारामुळे गरीब शेतकऱ्यांचेही आर्थिक नुकसान झाले आहे.

Farmer ID तयार करण्याची मोबाईलवरून प्रक्रिया

"Farmer Self Registration" साठी https://mhfr.agristack.gov.in/farmer-registry-mh/#/ या दिलेल्या लिंकवर क्लिक करून घ्या. आणि खाली दिलेल्या सर्व स्टेप्स वापरून फार्मर आयडी तयार करा.

१) वरील लिंकवर क्लिक केल्यानंतर तुमच्या समोर Farmer Registry पेज उघडेल. उजव्या बाजूला दोन पर्याय दिसतील: Official आणि Farmer. या मधून Farmer यावर क्लिक करा.

२) नंतर खाली "Create new user account" बटण दिसेल; त्या बटणावर क्लिक करा.

३) Aadhar E-kyc पेज उघडेल. त्यात आधार क्रमांक (Adhar Number) प्रविष्ट करून "Submit" बटणावर क्लिक करा.

४) पुढे तुमच्या आधार क्रमांकाशी लिंक मोबाईल क्रमांकावर OTP येईल; तो टाकायचा आहे.

५) नंतर "Verify" बटणावर क्लिक करून घ्या.

६) पुढे शेतकऱ्यांना त्यांची संपूर्ण माहिती दिसेल. आता तुम्हाला "Agristack Portal" ला जो मोबाईल क्रमांक लिंक करायचा आहे, तो क्रमांक प्रविष्ट करून घ्या.

७) त्या क्रमांकावर OTP पाठवला जाईल. OTP टाकून मोबाईल क्रमांक "Verification" करून घ्या.

८) पुढे Agristack Portal वर लॉगिन कार्यासाठी Password सेट करून घ्या. त्यासाठी Set Password and Confirm Password टाकून "Create My Account" वर क्लिक करा आणि तुमचे रजिस्ट्रेशन पूर्ण करा.

९) रजिस्ट्रेशन पूर्ण झाल्यानंतर Agristack Portal वर तुमची प्रोफाईल तयार होईल.

१०) नंतर Ok वर क्लिक करा. तुम्ही आता परत लॉगिन पेजवर याल.

११) आता Username ज्या जागी तुमचा मोबाईल क्रमांक टाकून Login करून घ्या.

१२) नंतर रजिस्टर As Farmer पर्यायावर क्लिक करा.

१३) पुढे तुम्हाला "Mobile Confirmation" साठी विचारले जाईल.

१४) मोबाईल क्रमांक बदलायचा असेल तर "Yes" वर क्लिक करा.

१५) मोबाईल क्रमांक बदलायचा नसेल तर "No" वर क्लिक करा.

१६) नंतर स्क्रीनवर Farmer ID Registration Form ओपन होईल.

१७) नंतर Farmer Details, जमिनीविषयी Details जसे खाते क्रमांक, जमिनीचे क्षेत्र, खातेदार याविषयी माहिती आणि इतर उर्वरित विचारलेली माहिती भरून घेणे.