महाराष्ट्र ट्रॅक्टर अनुदान योजना

आज आपण राज्यामधील शेतकऱ्यांना कृषी क्षेत्रात आधुनिक तंत्रज्ञानाचा वापर करून सुलभ पद्धतीने तसेच जलद गतीने शेती कार्य करता यावे तसेच त्यांच्या आर्थिक उत्पन्नात वाढ व्हावी या उद्देशाने सुरु करण्यात आलेल्या अशाच एका योजनेची संपूर्ण माहिती जाणून घेणार आहोत.

योजनेअंतर्गत शेतकऱ्यांना 8 HP ते 70 HP ट्रॅक्टर खरेदीसाठी 50 टक्के म्हणजेच जास्तीत जास्त 1.25 लाख रूपयांपर्यंतचे अनुदान देण्यात येते.

राज्यामधील आर्थिक दृष्ट्या गरीब शेतकऱ्यांना शेती कार्यासाठी आधुनिक यंत्रसामग्री खरेदी करण्यासाठी आर्थिक अडचणींचा सामना करावा लागतो त्यामुळे ते वर्षानुवर्षे पारंपरिक पद्धतीने शेती कार्य करत असतात.

पारंपरिक पद्धतीने शेती कार्याला पुष्कळ विलंब व खूप अंग मेहनत करावी लागते यामध्ये शेतकऱ्यांना इजा देखील होत असते त्यामुळे राज्यातील शेतकऱ्यांना शेती कार्यात मदत व्हावी व शेती कार्य जलद गतीने व्हावे या उद्देशाने या योजनेची सुरुवात करण्यात आलेली आहे.

या योजनेचा मुख्य उद्देश राज्यातील शेतकऱ्यांना शेती कार्यासाठी ट्रॅक्टर खरेदीसाठी 50 टक्के म्हणजेच 1 लाख रुपये अनुदान उपलब्ध करून देणे जेणेकरून शेतकऱ्यांना आपल्या शेतीची कामे जलद गतीने करता येतील.

योजनेचा हेतु:

• राज्यातील शेतकऱ्यांना शेती कार्यासाठी ट्रॅक्टर खरेदीसाठी 50 टक्के म्हणजेच 1 लाख रुपये अनुदान उपलब्ध करून देणे हा या योजनेचा मुख्य उद्देश आहे.
• शेतकऱ्यांना शेती कार्यात आधुनिक तंत्रज्ञाचा वापर करण्यासाठी अनुदान उपलब्ध करून देणे.
• शेतकऱ्यांना शेतीसाठी प्रोत्साहन देणे तसेच राज्यातील इतर नागरिकांना शेती क्षेत्राकडे आकर्षित करणे.
• शेतीची कामे जलद गतीने करून देण्याच्या उद्देशाने या योजनेची सुरुवात करण्यात आलेली आहे.

योजनेचे वैशिष्ट्य:

• महाराष्ट्र राज्यातील सर्व प्रवर्गातील शेतकरी योजनेअंतर्गत अर्ज करू शकतात.
• या योजनेअंतर्गत केंद्र शासनाचा 60 टक्के सहभाग आणि राज्य शासनाचा 40 टक्के सहभाग आहे.
• योजनेअंतर्गत दिली जाणारी अनुदानाची राशी लाभार्थी शेतकऱ्याच्या बँक खात्यात DBT च्या सहाय्याने जमा करण्यात येईल.

योजनेचे लाभार्थी:

महाराष्ट्र राज्यातील सर्व प्रवर्गातील शेतकरी योजनेचा लाभ मिळवण्यासाठी पात्र आहेत.

योजनेअंतर्गत दिले जाणारे अनुदान:

• या योजनेअंतर्गत शेतकऱ्यांना ट्रॅक्टर खरेदीसाठी 50 टक्के अनुदान म्हणजेच 1.25 लाख रुपयांचे आर्थिक अनुदान देण्यात येते.
• या योजनेअंतर्गत 8 एचपी ते 20 एचपीच्या ट्रॅक्टर साठी 40% टक्के म्हणजेच 75 हजार रुपयांचे अनुदान देण्यात येईल.
• या योजनेअंतर्गत 20 एचपी ते 40 एचपीच्या ट्रॅक्टर साठी 1 लाख रुपयांचे अनुदान देण्यात येईल.
• जर ट्रॅक्टर 40 पेक्षा जास्त ते 70 एचपी पर्यंत असेल तर अनुदान हे 1 लाख 25 हजार रुपये असेल.

योजनेअंतर्गत लाभार्थ्यांना होणारा फायदा:

• राज्यातील शेतकरी शेतात आधुनिक यंत्रसामग्रीचा वापर करून जलद गतीने तसेच सोप्या पद्धतीने शेती कार्य करू शकतील.
• शेतकरी शेती करण्यासाठी प्रोत्साहित होतील तसेच राज्यातील इतर नागरिक शेती करण्यासाठी आकर्षित होतील.

आवश्यक पात्रता:

अर्जदार महाराष्ट्र राज्याचा मूळ रहिवाशी असणे आवश्यक आहे.

नियम व अटी:

• जरी या योजनेअंतर्गत 50 टक्के इतके अनुदान देय असले तरी सुद्धा 1.25 लाखापेक्षा जास्त अनुदान देण्यात येणार नाही.
• फक्त महाराष्ट्र राज्यातील शेतकऱ्यांनाच ट्रॅक्टर अनुदान योजनेचा लाभ दिला जाईल.
• महाराष्ट्र राज्याच्या बाहेरील शेतकऱ्यांना या योजनेचा लाभ दिला जाणार नाही.
• फक्त शेतकऱ्यांनाच या योजनेचा लाभ दिला जाईल.
• या योजनेचा लाभ मिळवण्यासाठी अर्जदार शेतकरी असणे आवश्यक आहे तसेच त्याच्याजवळ शेती साठी स्वतःची शेतजमीन असणे आवश्यक आहे.
• अर्जदार शेतकऱ्याने या पूर्वी केंद्र किंवा राज्य शासनाद्वारे सुरु एखाद्या योजनेअंतर्गत ट्रॅक्टर चा लाभ मिळवला असता कामा नये.
• एका कुटुंबातील फक्त एकाच सदस्याला या योजनेचा लाभ घेता येईल.
• अनुसूचित जाती किंवा अनुसूचित जमाती या प्रवर्गातील असल्यास त्या शेतकऱ्याकडे जातीचा दाखला असणे आवश्यक आहे.
• जर अर्जदाराने एखाद्या घटकासाठी अर्ज केल्यास पुढील 10 वर्षे त्याला त्याच घटकासाठी अर्ज करता येणार नाही परंतु तो इतर घटकांसाठी अर्ज करू शकतो.

आवश्यक कागदपत्रे:

• आधार कार्ड
• रेशन कार्ड
• रहिवाशी दाखला
• 7/12 दाखला
• 8 अ दाखला
• मोबाईल नंबर
• ई-मेल आयडी
• पासपोर्ट आकाराचे फोटो
• जातीचा दाखला (आवश्यक असल्यास)
• प्रतिज्ञा पत्र

असा करा ऑफलाईन अर्ज:

• अर्जदार शेतकऱ्याला आपल्या क्षेत्रातील जिल्हा कार्यालयात कृषी विभागात जावे लागेल.
• कृषी विभागात जाऊन ट्रॅक्टर अनुदान योजनेचा अर्ज घ्यावा लागेल.
• अर्जात विचारलेली सर्व माहिती भरून सोबत योग्य ती कागदपत्रे जोडावी लागतील व सदर अर्ज कार्यालयात जमा करावा लागेल.
• अशा प्रकारे तुमची ट्रॅक्टर योजनेअंतर्गत ऑफलाईन अर्ज प्रक्रिया पूर्ण होईल.