बियाणे ते ट्रॅक्टरपर्यंत अनुदान...? पंचायत समितीच्या योजना तुम्हाला माहित आहेत का?

महाराष्ट्रातील ग्रामीण भागातील शेतकरी हे केवळ अन्नदाते नसून आपल्या मातीत राबणारे खरे वीर आहेत. शेती ही त्यांची जीवनशैली आहे. मात्र, वाढते उत्पादनखर्च, हवामानातील अनिश्चितता आणि बाजारातील अस्थिरता यामुळे शेती करणे दिवसेंदिवस कठीण होत आहे. अशा परिस्थितीत केंद्र व राज्य शासनामार्फत चालवल्या जाणाऱ्या अनुदानित योजनांचा लाभ घेणे ही काळाची गरज बनली आहे.

पंचायत समितीच्या माध्यमातून मिळणाऱ्या मुख्य योजना

१. राष्ट्रीय अन्न सुरक्षा अभियान (NFSM):

धान्य उत्पादन वाढवण्यासाठी राबवली जाणारी योजना. यामध्ये गहू, तांदूळ, डाळी, तेलबिया पिकांसाठी:

• सुधारित बियाणे

• कीटकनाशके व फवारणी औषधे

• निवडक कृषी यंत्रांवर अनुदान

• तांत्रिक मार्गदर्शन

अर्ज प्रक्रिया: पंचायत समितीच्या कृषी विभागात प्रत्यक्ष जाऊन अर्ज सादर करावा लागतो.

२. मशागती साहित्य व कृषी यंत्रे अनुदान योजना:

यामध्ये ४०% ते ५०% पर्यंत अनुदान उपलब्ध.

यंत्रे: ट्रॅक्टर, रोटाव्हेटर, स्प्रे पंप, कापणी यंत्र, मल्चिंग मशीन इ.

लघु व सीमांत शेतकऱ्यांना विशेष प्राधान्य.

३. सूक्ष्म सिंचन योजना (PMKSY):

जलसंधारण व उत्पादनवाढीसाठी उपयोगी.

• ठिबक व तुषार सिंचनासाठी ५०% ते ७०% अनुदान

• अधिकृत विक्रेत्याकडून साहित्य खरेदी अनिवार्य

४. पशुधन विकास योजना:

• गायी, म्हशी, मेंढ्या, शेळ्या, कुक्कुटपालनासाठी अनुदान

• लसीकरण व तपासणी शिबिरे

• दूध शीतकरण युनिटसाठीही सहाय्य

५. माती परीक्षण आणि सेंद्रिय शेती योजना:

• जमिनीतील अन्नद्रव्य तपासणी

• योग्य पीक निवड

• कंपोस्ट व गांडूळखतावर अनुदान

• कृषी सहाय्यकांकडून मार्गदर्शन

६. शेतकरी प्रशिक्षण आणि प्रवास योजना:

• आधुनिक शेती पद्धती, विक्री व्यवस्थापन, सुधारित बियाण्यांवर मोफत प्रशिक्षण

• जिल्हा/राज्याबाहेरील प्रगतशील शेतकऱ्यांचे शेती दौरे

अर्जासाठी आवश्यक कागदपत्रे:

• ७/१२ उतारा

• आधार कार्ड

• बँक पासबुक

• पिकांची माहिती

• ओळखपत्र / शेतकरी कार्ड

अर्ज कसा करावा?

• थेट पंचायत समिती कार्यालयात कृषी अधिकारी, विस्तार अधिकारी किंवा सहाय्यक यांच्याशी संपर्क साधावा.

• ऑनलाईन अर्जाची सुविधाही काही योजनांसाठी उपलब्ध आहे.

• योजना मंजुरीनंतर दिलेल्या कालावधीत खरेदी व अंमलबजावणी पूर्ण करणे आवश्यक.

हे पण पहा : पाऊस कितीही पडो, ह्या पद्धतीने पिकं हमखास फुलतात..!