पंजाब डख हवामान अंदाज (१८ जुलै): आजपासून २५ तारखेपर्यंत राज्यात मुसळधार पाऊस, शेतकऱ्यांना दिलासा!

पंजाब डख हवामान अंदाज: आज दुपारपासून पावसाचा जोर वाढणार, २५ जुलैपर्यंत राज्याला 'झोडपणार'! (१८ जुलै २०२६)

हवामान तज्ञ पंजाब डख यांनी आज (१८ जुलै २०२६) राज्याचा नवीन आणि अत्यंत महत्त्वाचा हवामान अंदाज वर्तवला आहे. काल रात्रीपासूनच परभणी, बीडसह अनेक भागांत पावसाला सुरुवात झाली असून, आज दुपारनंतर (३ वाजेनंतर) आणि रात्री राज्यामध्ये पावसाचा जोर आणखी वाढणार आहे. येत्या २५ जुलैपर्यंत राज्यातील एकही भाग पावसापासून वंचित राहणार नाही, असा दिलासादायक अंदाज त्यांनी दिला आहे.

मराठवाडा आणि वंचित जिल्ह्यांना मोठा दिलासा: ज्या जिल्ह्यांमध्ये आतापर्यंत पाऊस कमी होता, त्या शेतकऱ्यांनी आता घाबरण्याचे कारण नाही.

• सोलापूर, बीड, लातूर, धाराशिव, सांगली आणि या जिल्ह्यातील आटपाडी, पंढरपूर, सांगोला या परिसरामध्ये २५ तारखेपर्यंत दररोज चांगला आणि जोराचा पाऊस पडणार आहे.

• संपूर्ण मराठवाड्यात (हिंगोली, नांदेड, परभणी, जालना, छत्रपती संभाजीनगर) आज दुपारनंतर आणि रात्री पावसाचा जोर राहील. हा पाऊस २५ तारखेपर्यंत विविध भागात पडत राहील.

•  

पश्चिम महाराष्ट्र, कोकण आणि मुंबई-पुणे:

• घाटमाथा आणि कोकण: रत्नागिरीपासून ते पालघरपर्यंतच्या संपूर्ण घाटमाथ्यावर आणि कोकणात आजपासून सलग ५ दिवस मुसळधार पाऊस पडणार आहे.

• पुणे, मुंबई आणि नाशिक: मुंबई, पुणे, नाशिक आणि त्र्यंबकेश्वर परिसरामध्ये येत्या ५ दिवसांत जोरदार पाऊस राहील.

• पश्चिम महाराष्ट्र: कोल्हापूर आणि सातारा जिल्ह्यात आजपासून मुसळधार पावसाला सुरुवात होईल. तसेच बारामती आणि फलटण परिसरातही चांगला पाऊस पडेल.

•  

विदर्भ आणि उत्तर महाराष्ट्र:

• विदर्भ: वर्धा, नागपूर, भंडारा, यवतमाळ, अकोला, अमरावती, बुलढाणा, चंद्रपूर आणि गडचिरोलीसह विदर्भातील सर्व ११ जिल्ह्यांमध्ये आज (१८ जुलै) पावसाचा जोर वाढेल. २५ जुलैपर्यंत विदर्भात दररोज वेगवेगळ्या भागांत चांगला पाऊस राहील.

•  

• उत्तर महाराष्ट्र: नंदुरबार, धुळे आणि जळगाव जिल्ह्यातही आज विखुरलेल्या स्वरूपात पावसाची हजेरी पाहायला मिळेल.

•  

शेतकऱ्यांसाठी खास सूचना: पाऊस संपूर्ण राज्यभर एकाच वेळी पडणार नसला तरी, तो दररोज भाग बदलत पडेल. त्यामुळे १८ ते २५ जुलै या दरम्यान राज्यातील सर्वच गावांना आणि शिवारांना पाऊस कव्हर करेल. पिकांना आता मोठे जीवदान मिळणार असून शेतकऱ्यांनी पावसाच्या या स्थितीनुसार आपल्या शेतीची कामे करावीत.