कमी खर्चात कीड नियंत्रण: पिवळे आणि निळे चिकट सापळे!

नमस्कार शेतकरी मित्रांनो, सध्याच्या काळात शेतीमध्ये कीड आणि रोगांचे प्रमाण प्रचंड वाढले आहे. अनेकदा आपण महागड्या कीटकनाशकांची फवारणी करतो, पण तरीही मावा, तुडतुडे आणि थ्रिप्स यांसारख्या सूक्ष्म कीटकांवर पूर्णपणे नियंत्रण मिळवणे कठीण जाते. या समस्येवर मात करण्यासाठी 'चिकट सापळे' (Sticky Traps) हे एक अत्यंत प्रभावी, स्वस्त आणि पर्यावरणपूरक साधन ठरत आहे.

एक आनंदाची बातमी: आमच्याकडे आता उत्तम प्रतीचे चिकट सापळे (पिवळे आणि निळे) विक्रीसाठी उपलब्ध आहेत. दर्जेदार मटेरियल आणि दीर्घकाळ टिकणाऱ्या डिंकामुळे हे सापळे तुमच्या शेतीचे रक्षण करण्यास समर्थ आहेत.

 चिकट सापळे वापरण्याचे जबरदस्त फायदे:

१. १९ प्रकारच्या कीटकांचे प्रभावी नियंत्रण: हवेतून प्रसार होणाऱ्या जवळपास १९ प्रकारच्या कीटकांचे नियंत्रण या चिकट सापळ्यांमुळे करता येते. यामध्ये प्रामुख्याने मावा, तुडतुडे आणि थ्रिप्स यांचा समावेश होतो. पिवळे सापळे पांढरी माशी आणि माव्यासाठी, तर निळे सापळे थ्रिप्ससाठी अत्यंत गुणकारी आहेत.

२. बुरशीजन्य आणि व्हायरल आजारांना प्रतिबंध: अनेकांना हे माहित नसेल की, पिकावर येणारे बहुतेक विषाणूजन्य (Viral) आजार हे कीटकांच्या माध्यमातून पसरतात. हे कीटक झाडाचा रस शोषतात आणि रोगाचा प्रसार करतात. चिकट सापळ्यांमुळे या कीटकांचा नायनाट होतो, परिणामी रोगांवर आपोआप नियंत्रण मिळते.

३. कीटकांच्या प्रादुर्भावाचे मोजमाप: चिकट सापळ्यांचा एक मोठा फायदा म्हणजे, तुमच्या शेतात नेमका कोणत्या कीटकाचा किती प्रादुर्भाव आहे, हे यावरून कळते. सापळ्याला चिटकलेले कीटक पाहून आपण भविष्यातील फवारणीचे योग्य नियोजन करू शकतो.

४. सेंद्रिय शेतीसाठी उत्तम पर्याय: यामध्ये कोणत्याही विषारी रसायनाचा वापर नसल्यामुळे हे सापळे सेंद्रिय शेती करणाऱ्या शेतकऱ्यांसाठी वरदान आहेत. यामुळे पिकाची गुणवत्ता सुधारते आणि जमिनीचा कस टिकून राहतो.

अधिक माहितीसाठी येथे क्लिक करा

 कसे वापरावे?

साधारणपणे एकरी २० ते २५ पिवळे आणि ५ ते १० निळे सापळे पिकाच्या उंचीच्या थोडे वर लावावेत. यामुळे कीटकांना ते सहज दिसतात आणि ते तिकडे आकर्षित होतात.